Oldags Höhnerhoff

Isbeen mit Suurkruut un Arfenpüree

 

Een Hamborger Liefgericht. In Bayern heet dat "Haxen mit Kraut".

Du brukst dorto: 

Twee scheune, gepökelte Isbeen

dree Pund feines Suurkruut

twee saftige Appel

een Pund schällte Arfen, greune un geele

´n halbes Pund dörchwussen Speck

Solt, Appelessig, Zucker un Muster

 

Un koken deist dat so:

De Isbeen loot ick twee Stünn´ koken. Mit  ´n beten von de Supp füll ick dat Suurkruut op un

loot dat mit de Appel (in Schieben snibbelt) ´n lütte Stünn prütteln.

Dann ward dat Kruut mit Zucker, Solt un Appelessig affsmeckt. As de Köksch dat möcht.

De Arfen kook ich mit ´n beten Bröh ut Grööntüüch. 

De Speck ward in Würfeln sneden, kross utbrod´un öber dat Püree geben.

´N poor Soltkartüffel mööt mit op den Disch, anners will dat Fette von dat Isbeen nich dörch de 

Kehl.


 

Heben un Eer

Bruuken deit man för veer Lüüd:

Veer lütte Appeln

veer Kartüffeln

´n half Pund Speck

twee Zibbeln

eenen Teelepel affrebene Zitronenschäll

Peper un Solt

 

Dat ward so mookt:

De Kartüffeln un de Appeln ward kokt, to Mos stampt un de Zitronenschäll ward rinreuhrt.

Den Speck snibbeln un in de Pann´ utloten un de Zibbeln dorin god glosig broden.

Nu dat Mos dor ünner reuhren un ´n beten affsmecken.

Eten kannst dorto gebrode Lebber, Grüttwust, Blootwust, ok Lebberkäs.


"De Minsch kummt nich as Freter op de Welt,-  mit so´n Eeten ward he dorto mookt!"


 

Groten Hans

För veer Leckersnuten:

Veer ole Hefekoken, Klöben, Bodderkoken un sowat

veer Eier

een Veddel Liter Melk

een halben Buddel Wien

een Tass vull Rosinen

´n halbe Tass Krinten

´n half Pund Tweebackmehl

twee Lepel Smolt

rodes Paniermehl

Zitronenoil

Backpulber

Vanilljezucker un Solt

 

Un man brukt een Pufferform mit Deckel, üm allsns in een groten Putt mit Water gor to

moken.

Sooßen könnt wat jedereen mag. Vanilljesooß, heete Kirschen oder Himbeern.

 

Nu kann dat loosgahn:

Öber Nacht de Rundstück (Hefekoken, Klöben...) in de Melk un de Rosinen un de Krinten

in den Wien geben.

Nu Melk un Wien affgeeten un mit de Eier glattreuhern.

Mit Zitronenoil, Solt un Vanilljezucker affsmecken.

Un denn mit dat Backpulber un dat Tweebackmehl eenen stampendicken Deeg moken.

De Pufferform mit dat Smolt utstrieken un mit dat rode Paniermehl affstreihen.

Den Deeg bit op een Dumenbreed ünner den Rand inkriegen, Deckel opsetten un in een

groten Waterputt sinnig koken.

Tein Minuten affkeuhlen, utkippen un in  Schieben snieden. Soßen könnt no jeden Smack.

För de Leckersnuten gifft dat noch Slagrahm to.

De Groote Hanns smeckt ok wenn de Schieben in heete Botter krosch broot´ sünd.


 

Suur Supp

Dorto brukst Du för veer Lüüd:

Een Schinkenknoken mit veel Resten von Schinken an.

Suppenkruut

een Pund Backobst

een Bund frischen Majoran

n´ halben Buddel Wien

fief Peperkörn

een Zibbel

een Lorbeerblatt

Zitonensaft

un Solt

 

Nu kann´t loosgahn:

Den Schinkenknoken in´n Putt mit kold Water. Allns Greune vun de Selleir un den Porree mit

den Majoran mit´n Foden tosom binn´. Porree, Wöddeln un Sellerie lütt snieden un mit

Pepperkörn, Zibbel un Lorbeer koken.

Dat Greuntüch mit den Foden no dat Kooken wedder ut´n Putt nehm´,Fett affnehmen un

Fleesch lüttsnieden.

Dat Backobst, wat  ´n Obend vörher in Wien inweekt wär, in de Supp geben un mit Zitronensaft

un Solt affsmecken.

 

För de Klüten:   

Ut dat Mehl, de warme Bodder, de Eier un dat Backpulber  ´n stampendicken Deeg moken. De

Klüten  ´n beten mehr as duumendick dreihn un in Soltwoter so lang´ koken, bit se swümmt.

Denn ward se mit de Schuumkell in de Supp sett.